Հունվարի 21-ին Բլեյան կրթական բաց ցանցին ծանոթանալու, համագործակցելու նպատակով կրթահամալիր էին այցելել «Դասավանդիր, Հայաստան» կազմակերպության հիմնադիր Լարիսա Հովհաննիսյանը և իրավական հարցերով պատասխանատու Մերի Օհանյանը։ Հանդիպմանը ներկա էր նաև կրթահամալիրի խորհրդի նախագահ Արամազդ Ղալամքարյանը։ Իր գործով համակված երիտասարդ ղեկավարը ներկայացրեց կազմակերպության հիմնադրման նպատակը, ծավալած գործունեությունը, մինչ այժմ ունեցած որոշակի արդյունքներ, ծրագրի աշխարհագրությունը, ակնկալվող զարգացումներ, հեռանկար։ Կրթահամալիրի տնօրեն Աշոտ Բլեյանը՝ պատասխանելով կրթահամալիրի գործունեությանը, այլընտրանքին, ցանցին, իրավական ու ֆինանսական մասին վերաբերող գործընկերների հարցերին, առաջարկեց կրթական ցանցով համագործակցության երկու ուղղություն, որ իրական են և կարող են հաջողություն ունենալ։ Տիար Բլեյանը մի կարևոր սկզբունք առանձնացրեց․ աղբյուր պետք է կառուցել այնտեղ, որտեղ ջուր կա, որ այն չանապատանա, նպատակին ծառայի։

Կենտրոնում զրույց-քննարկումից հետո շրջայցով եղան Հյուսիսային դպրոց-պարտեզում։